Y Pwyllgor Materion Cyfansoddiadol a Deddfwriaethol

Craffu ar Filiau a gyflwynwyd yn ystod tymor yr hydref

Diben

 1.      Gwahodd y Pwyllgor i ystyried ei ddull o graffu ar y Biliau y cyfeirir atynt ym mharagraff 2 isod.

Cefndir

2.       Cafodd y Biliau a ganlyn eu cyflwyno yn yr hydref:

	Bil	Yr Aelod sy’n Gyfrifol:	Y dyddiad adrodd ar gyfer y Pwyllgor Pwnc	Yn cynnwys pwerau i wneud gorchmynion a rheoliadau
1	Y Bil Safleoedd Rheoleiddiedig Cartrefi Symudol (Cymru)	Peter Black AC	22 Chwefror 2013	Ydy
2	Y Bil Adennill Costau Meddygol ar gyfer Clefydau Asbestos (Cymru)	Mick Antoniw AC	8 Mawrth 2013	Ydy
3	Y Bil Llywodraeth Leol (Democratiaeth) (Cymru)	Carl Sargeant AC, y Gweinidog Llywodraeth Leol a Chymunedau	22 Mawrth 2013	Ydy
4	Y Bil Trawsblannu Dynol (Cymru)	Lesley Griffiths AC, y Gweinidog Iechyd a Gwasanaethau Cymdeithasol	22 Mawrth 2013	Ydy

3.       O dan Reol Sefydlog 21, mae rôl y pwyllgor yn cynnwys ystyried a chyflwyno adroddiad ar:

(a)      pa mor briodol yw darpariaethau mewn Biliau’r Cynulliad sy’n rhoi pwerau i wneud is-ddeddfwriaeth i Weinidogion Cymru, Prif Weinidog Cymru neu’r Cwnsler Cyffredinol; 

(b)      unrhyw fater deddfwriaethol cyffredinol sydd o fewn cymhwysedd y Cynulliad neu Weinidogion Cymru, neu sy’n ymwneud â’r cymhwysedd hwnnw.    

Materion i’w hystyried

4.       Bydd nodiadau briffio cyfreithiol ar bwerau i wneud gorchmynion a rheoliadau sydd wedi’u cynnwys mewn Biliau yn cael eu rhoi i Aelodau.

5.       Bydd Aelodau am ystyried a ydynt yn dymuno galw’r Aelodau sy’n gyfrifol i roi tystiolaeth mewn perthynas â’u Biliau.  

6.       Bydd Aelodau hefyd am ystyried a ydynt yn dymuno galw’r Gweinidog perthnasol i roi tystiolaeth mewn perthynas â Biliau y mae Aelodau’r meinciau cefn yn gyfrifol amdanynt. 

Cam i’w gymryd

7.       Gwahoddir yr Aelodau i gytuno ar y dull o gasglu tystiolaeth mewn perthynas â’r Biliau uchod.